„ჰამასის“ მიერ კონტროლირებადი სამოქალაქო თავდაცვის სააგენტოს ცნობით, ღაზაში ჰუმანიტარული დახმარების გადანაწილების ცენტრთან მახლობლად ისრაელელმა სამხედროებმა ცეცხლი გახსნეს, რის შედეგადაც 6 პალესტინელი დაიღუპა, რამდენიმე კი დაიჭრა.
BBC იტყობინება, რომ ხალხი ადგილზე საკვების მისაღებად შეიკრიბა. თვითმხილველების თქმით, ისრაელელმა სამხედროებმა ცეცხლი მაშინ გახსნეს, როცა ხალხი ცენტრთან მიახლოებას ცდილობდა. თავის მხრივ, ისრაელის თავდაცვის ძალებში განმარტავენ, რომ სამხედროებმა ცეცხლი გახსნეს იმის გამო, რომ ხალხის მოახლოება სახიფათოდ ჩათვალეს.
მიმდინარე კვირის განმავლობაში, დახმარების გადანაწილების ცენტრების მახლობლად ათობით ადამიანი დაიღუპა, ასობით კი დაიჭრა.
კომენტარები