ისრაელთან დაკავშირებით ირანის მიერ მოპოვებული მნიშვნელოვანი დოკუმენტები უახლოეს მომავალში გასაჯაროვდება, – ამის შესახებ ირანის დაზვერვის მინისტრმა, ესმაილ ხატიბმა განაცხადა.
ირანის სადაზვერვო სამსახურის ხელმძღვანელის თქმით, ისევე, როგორც ეს დოკუმენტებია მნიშვნელოვანი, ასევე მნიშვნელოვანია მათი ირანისთვის გადაცემის მეთოდები და სწორედ ამიტომ დასჭირდა ამბის გამოცხადებას დრო, რათა უზრუნველყოფილი ყოფილიყო ქვეყანაში მათი სრული უსაფრთხოების დაცვით გადატანა.
„დოკუმენტები, ღვთის ნებით, მალე გამოქვეყნდება. ამ მიმართულებით დაიგეგმა ყოვლისმომცველი და კომპლექსური ოპერაცია, რომელიც თავდაპირველად დაიწყო რესურსების შეღწევითა და მოზიდვით, ასევე ამ რესურსებზე წვდომით. რესურსებზე ეს წვდომა გაიზარდა, რაც შესაძლებელს ხდის, რომ დღეს, ღვთის წყალობით, ჩვენ ვიხილოთ ეს მნიშვნელოვანი საგანძური. სრული ბირთვული დოკუმენტები მიღებულია და ირანს გადაეცა. არსებობს სხვა დოკუმენტები, რომლებიც დაკავშირებულია ამერიკასთან, ევროპასთან, სხვა ქვეყნებთან კავშირებთან და სადაზვერვო დოკუმენტები, რომლებიც ხელს უწყობს ქვეყნის სტრატეგიულ ძალას“, – განაცხადა ესმაილ ხატიბმა.