ჩვენ ყოველთვის გავაკეთებთ იმას, რაც საჭიროა ჩვენი მოქალაქეების უსაფრთხოებისთვის, – განაცხადა აშშ-ის პრეზიდენტმა, დონალდ ტრამპმა ლოს-ანჯელესში განვითარებულ მოვლენებთან დაკავშირებით.
„ჩვენ სწორი გადაწყვეტილება მივიღეთ, როდესაც ეროვნული გვარდია კალიფორნიაში ძალადობრივი, ინსპირირებული არეულობების გასამკლავებლად გავგზავნეთ. ეს რომ არ გაგვეკეთებინა, ლოს-ანჯელესი სრულიად განადგურებული იქნებოდა“, – აღნიშნა დონალდ ტრამპმა.
„ძალიან არაკომპეტენტური „გუბერნატორი“ გევინ ნიუსომი და „მერი“ კარენ ბასი უნდა ამბობდნენ: „გმადლობთ, პრეზიდენტო ტრამპ, თქვენ ისეთი შესანიშნავი ხართ. თქვენს გარეშე ჩვენ არარაობები ვიქნებოდით, სერ“. ნაცვლად ამისა, ისინი ატყუებენ კალიფორნიისა და ამერიკის მოსახლეობა და ამბობენ, რომ თითქოს ჩვენ არ ვიყავით საჭირონი და რომ ეს „მშვიდობიანი საპროტესტო აქციებია“. ძალადობისა და ნგრევის ამსახველი სურათებისა და ვიდეოების ერთი შეხედვაც კი გეტყვით ყველაფერს, რაც უნდა იცოდეთ. ჩვენ ყოველთვის გავაკეთებთ იმას, რაც საჭიროა ჩვენი მოქალაქეების უსაფრთხოებისთვის, რათა ერთად კვლავ ვაქციოთ ამერიკა დიადად!“ – დასძინა მან.