საქართველოს შინაგან საქმეთა მინისტრი გელა გელაძე სახელმწიფო უსაფრთხოების სამსახურის დაარსების მე-10 წლისთავისადმი მიძღვნილ ღონისძიებას დაესწრო.
ღონისძიებაზე სიტყვით წარდგნენ საქართველოს სახელმწიფო უსაფრთხოების სამსახურის ხელმძღვანელი ანრი ოხანაშვილი, საქართველოს პრეზიდენტი მიხეილ ყაველაშვილი, პრემიერ-მინისტრი ირაკლი კობახიძე და პარლამენტის თავმჯდომარე შალვა პაპუაშვილი. მათ მადლობა გადაუხადეს სამსახურის თანამშრომლებს გაწეული ღვაწლისა და ქვეყნის უსაფრთხოებაში შეტანილი წვლილისთვის.
ღონისძიებაზე წუთიერი დუმილით პატივი მიაგეს გმირულად დაღუპული თანამშრომლების ხსოვნას.
დასასრულს, სახელმწიფო უსაფრთხოების სამსახურის ხელმძღვანელმა ანრი ოხანაშვილმა სამსახურის თანამშრომლებს სხვადასხვა ხარისხის სახელმწიფო ჯილდოები გადასცა – უწყების 328 თანამშრომელს სახელმწიფო უსაფრთხოების სამსახურის პირველი ხარისხისა და საპატიო მედლები გადაეცათ.
