კინორეჟისორი გოგა ხაინდრავა სოციალურ ქსელში, რუსთაველის გამზირზე გუშინ მომხდარ ფაქტს გამოეხმაურა, რომლის დროსაც საპროტესტო აქციის რამდენიმე მონაწილე ამერიკის მოქალაქეს თავს დაესხა.
„რასაც დასთეს, იმას მოიმკი”! აშშ-ის საელჩოს – სოროსის, USAID-ის და მაკკეინის ფულით გამოზრდილი! ეთნიკური ნიშნით ძალადობის ჩადენაში დატრენინგებული ოლე-ოლა ტრულაილა ბარბაროსები! აშშ-ის მოქალაქეს ჯგროდ რომ დაესხნენ თავს! არ შეიმჩნიოთ! ისინი ხომ პოტენციური „სინდისის პატიმრები“ არიან“, – წერს ხაინდრავა.
გუშინ რუსთაველის გამზირზე, საპროტესტო აქციის რამდენიმე მონაწილე ამერიკის მოქალაქეს თავს დაესხა, ის რუსი ტურისტი ეგონათ. პოლიციამ ვითარება მალევე განმუხტა. ვიდეო სოციალურ ქსელში ლევან ნიკოლეიშვილმა გაავრცელა. ოპოზიცია აცხადებს, რომ საპროტესტო აქციების ფონზე ინციდენტები ხდება, თუმცა მათივე თქმით, ასეთი შემთხვევები იშვიათია.