“უსამართლოდ მიიღეს გადაწყვეტილება ჟაირ ბოლსონარუს დაპატიმრების შესახებ, აშშ სათანადოდ უპასუხებს ამ კუდიანებზე ნადირობას”

აშშ სათანადოდ უპასუხებს ამ „კუდიანებზე ნადირობას“ – ასე გამოეხმაურა აშშ-ის სახელმწიფო მდივანი მარკო რუბიო ბრაზილიის ყოფილი პრეზიდენტის განაჩენს.

„ადამიანის უფლებების დარღვევისთვის სანქცირებული ალექსანდრ დე მორაეშის მიერ პოლიტიკური დევნა გრძელდება, რადგან მან და ბრაზილიის უზენაესი სასამართლოს სხვა მოსამართლეებმა უსამართლოდ მიიღეს ყოფილი პრეზიდენტის, ჟაირ ბოლსონარუს დაპატიმრების გადაწყვეტილება. შეერთებული შტატები სათანადოდ უპასუხებს ამ კუდიანებზე ნადირობას“, – წერს რუბიო.

შეგახსენებთ, ბრაზილიის ყოფილი პრეზიდენტი ჟაირ ბოლსონარუ სახელმწიფო გადატრიალების დაგეგმვაში დამნაშავედ ცნეს და მას 27 წლითა და სამი თვით პატიმრობა მიუსაჯეს.