თბილისში დაკარგული აზერბაიჯანელი ჟურნალისტი, აფგან მუხთარლი ბაქოში, სახელმწიფო სასაზღვრო სერვისის საგამოძიებო განყოფილებაში იმყოფება. ამის შესახებ ინფორმაციას ჟურნალისტი Khadija Ismayil ავრცელებს.
მისივე ცნობით, მუხთარლი მეგობარს დაუკავშირდა და ადვოკატის დახმარება ითხოვა.
მუხთარლის ბაქოში დაკავების ფაქტს საქართველოს შსს ჯერჯერობით არ ადასტურებს. “ჩვენ ვამოწმებთ ამ ინფორმაციას. მანამდე კი გამოძიება ჟურნალისტის დაკარგვის ფაქტზე კვლავაც გრძელდება“ – განაცხადეს უწყებაში.
თბილისში აზერბაიჯანელი ჟურნალისტის აფგან მუხთარლის გაუჩინარების შესახებ ინფორმაცია ადამიანის უფლებათა სახლმა გაავრცელა.
კომენტარები