საბაილსკის რაიონულმა სასამართლომ აზერბაიჯანელ ჟურნალისტ აფგან მუხტარლის სამთვიანი წინასწარი პატიმრობა შეუფარდა. ამის შესახებ სააგენტო „თურანი“ ადვოკატ ელჩინ სიდიგოვზე დაყრდნობით იუწყება.
მისი თქმით, მუხტარლის ახალი ბრალდება წარედგინა – ძალის გამოყენებით მესაზღვრის მიმართ წინააღმდეგობის გაწევა.
მუხტარლიმ განაცხადა, რომ სასაზღვრო პოსტზე მიყვანამდე მას მესაზღვრე არ უნახავს.
ადვოკატის განცხადებით, დაცვის მხარე ჟურნალისტის დაპატიმრებას გააპროტესტებს. სააგენტოს ინფორმაციით, სასამართლოსთან ჟურნალისტს სამოქალაქო აქტივისტების დიდი ჯგუფი აპლოდისმენტებით მიესალმა.
აზერბაიჯანელი აქტივისტი და ჟურნალისტი, აფგან მუხთარლი უკანასკნელად 29 მაისს, დაახლოებით 19:00 საათზე თბილისში ნახეს. როგორც მისი მეუღლე, ლეილა მუსტაფაევა და მისი მეგობარი დაშგინ აღალარლი აცხდებენ, ბოლო პერიოდში აფგან მუხთარლის უცნობი პირები, სავარაუდოდ, აზერბაიჯანელები უთვალთვალებდნენ.
აფგან მუხთარლი აზერბაიჯანის ხელისუფლების კრიტიკოსადაა ცნობილი. მუხტარლი ოჯახთან ერთად თბილისში 2015 წელს დასახლდა. საქართველოს შსს-ს ინფორმაციით, აზერბაიჯანელი ჟურნალისტის, აფგან მუხთარლის საქმესთან დაკავშირებით გამოძიება დაიწყო სისხლის სამართლის კოდექსის 143-ე მუხლით, რაც თავისუფლების უკანონო აღკვეთას გულისხმობს. გუშნვე გახდა ცნობილი, რომ ჟურნალისტი ბაქოშია დაკავებული
აზერბაიჯანის პროკურატურის ინფორმაციით, ჟურნალისტი აზერბაიჯანის საზღვრის უკანონ გადაკვეთისას დააკვეს. მას ბრალი სამი მუხლით წაუყენეს: სამართალდამცავებისათვის წინააღმდეგობის გაწევის, საზღვრის უკანონო კვეთისა და კონტრაბანდის ბრალდებით.