საქართველოს ნაკრების მთავარმა მწვრთნელმა, ვილი სანიოლმა მსოფლიო ჩემპიონატის საკვალიფიკაციო ეტაპის ოქტომბრის შეხვედრებამდე პრესკონფერენცია გამართა.
მოახლოებულ მატჩებთან დაკავშირებით პრესკონფერენციაზე ვილი სანიოლმა და ალექსანდრე იაშვილმა ისაუბრეს.
ვილი სანიოლი:
“შემტევი ფეხბურთელებისთვის გოლები მნიშვნელოვანია, თუმცა როგორც შეტევა, ასევე დაცვაც აუცილებელია. დაცვით ხაზში თაობათა ცვლაა, ჩემი საქმე შემადგენლობის სწორად შერჩევაა. მიქაუტაძისთვის ახალ გუნდში კარგად დაწყება მნიშვნელოვანი იყო. “ვილიარეალმა” მის სანაცვლოდ დიდი თანხა გადაიხადა. ჟორჟის კარგ ფორმაში ყოფნა ჩვენს ნაკრებს წაადგება.
კარგია, რომ ჩემი წონის კლება შეამჩნიეთ. ბოლო დროს ხაჭაპურს და ხინკალს ნაკლებად მივირთმევ. საკუთარ თავს და ჯანმრთელობას ყურადღებას ვაქცევ.
როცა გასვლაზე ესპანეთს და თურქეთს ეთამაშები, პროგრამა მინიმუმზე საუბარი რთულია. ეს განსაკუთრებით ესპანეთს ეხება, რომელიც ალბათ მსოფლიოს საუკეთესო გუნდია. თურქეთზე ესპანეთთან თამაშის შემდეგ ვისაუბრებ. მიზანი კვლავ ერთია, წინსვლა და განვითარება. რაც შეეხება კონკრეტულ ფეხბურთელებს, ცხადია ყველა კანდიდატს ვაკვირდებით. გაგუა ჯერ-ჯერობით არ არის საკმარისად კარგ ფორმაში იმისთვის, რომ ნაკრებში მოვიწვიოთ. ეროვნულ გუნდში თამაში დიდი პასუხისმგებლობაა და ამისთვის ბევრი როგორც პროფესიული, ასევე პიროვნული თვისებაა საჭირო” – წაიკითხეთ ვრცლად