მოლდოვას პრეზიდენტმა იგორ დოდონმა „კომსომოლსკაია პრავდასთან“ ინტერვიუში განაცხადა, რომ ქვეყანაში არსებობს ძალები, რომლებიც მოვლენების რევოლუციური სცენარით განვითარებას უწყობენ ხელს.
„ჩვენთან იყო და ახლაც არის ხალხი, რომლებიც მზად არიან ფიწლებით გამოვიდნენ რევოლუციაზე. მე ამ სცენარის წინააღმდეგი ვარ. მე თვალწინ მიდგას უკრაინული გამოცდილება. ღმერთმა არ ქნას ასეთი სცენარი მოლდოვაში – მას ვეღარავინ შეაჩერებს“, – განაცხადა დოდონმა.
მისივე თქმით, რევოლუციის შემთხვევაში, დნესტრისპირეთის კონფლიქტის გათვალისწინებით, რეგიონში „ყველაფერი აფეთქდება“.
ერთი კვირის წინ მოლდოვაში სამთავრობო კრიზისის ნიშნები გაჩნდა. საგარეო საქმეთა სამინისტრომ ქვეყნიდან 5 რუსი დიპლომატი გააძევა, რაც არ ყოფილა ქვეყნის პრეზიდენტთან, პრორუსული შეხედულებების მქონე დოდონთან შეთანხმებული. პრეზიდენტმა დიპლომატიური უწყების ამ ნაბიჯს პროვოკაციული უწოდა „რუსეთთან დიალოგის ნორმალიზების ფონზე“.