შინაგან საქმეთა სამინისტროს საგანგებო სიტუაციების მართვის სააგენტომ აჭარაში საზღვაო სეზონი ოფიციალურად გახსნა.
სააგენტომ განაახლა ტექნიკური აღჭურვილობა, გადაამზადა და მიიღო 135 სეზონური მაშველი. მათ გადაეცათ სამუშაო უნიფორმები, პირველადი სამედიცინი დახმარებისთვის განკუთვნილი სამედიცინო ჩანთები და სხვა საჭირო ინვენტარი.
მაშველების ყოველდღიური სამუშაო პირობების გასაუმჯობესებლად წყალზე სამაშველო განყოფილებისთვის დაიდგა ოთახი, სადაც მაშველების სამუშაო პირობები ბევრად კომპორტული და კეთლმოწყობილი იქნება. ასევე, გარემონტდა თორმეტი ერთეული მცურავი საშუალება.
მოქალაქეების უსაფრთხოებისა და რისკების პრევენციის მიზნით ზღვაში განლაგდა საცურაო არეალის მანიშნებელი ტივტივები, სამაშველო საგუშაგოები აღიჭურვა საზღვაო-სამაშველო ინვენტარით, სანაპირო ზოლზე დამონტაჟდა საინფორმაციო ბანერები ქართულ და ინგლისურ ენებზე, რომლის საშუალებითაც მოხდება დამსვენებელთა გაფრთხილება ცურვისთვის სარისკო ადგილების შესახებ. საზღვაო სეზონის გახსნასთან დაკავშირებით, წყალზე სამაშველო ოპერაციის სიმულაციური ჩვენებაც მოეწყო.