მიმდინარე წლის 8 მაისს აფხაზეთის ადმინისტრაციულ საზღვარზე ე.წ. “საზღვრის უკანონოდ გადაკვეთის” ბრალდებით რუსი სამხედროების მიერ დაკავებული 21 წლის ხვიჩა წყაროზია გაათავისუფლეს.
ინფორმაციას სახელმწიფო უსაფრთხოების სამსახურში ადასტურებენ. სხვა დეტალები უცნობია.
წყაროზიას ე.წ. “საზღვრის უკანონოდ გადაკვეთა” ედებოდა ბრალად. რამდენიმე დღის წინ დაკავებულის მამა გალის შეხვედრის მონაწილე ქართული დელეგაციის წევრებს შეხვდა და შვილის დაკავების თაობაზე დეტალური ინფორმაცია მიაწოდა. მამა აცხადებდა, რომ შვილის გათავისუფლების სანაცვლოდ 50 ათას რუსულ რუბლს სთხოვდნენ, რისი მხოლოდ ნაწილის მოგროვებაც შეძლო, დანარჩენი ნაწილის ნაცვლად კი ერთ-ერთი აფხაზი ე.წ. დეპუტატის სახლის სარემონტო სამუშაოებზე მუშაობა მოსთხოვეს.
კომენტარები