რამდენიმე დღეში, რობ ჯეტენი, სავარაუდოდ, ნიდერლანდების პრემიერ-მინისტრად დაინიშნება, მას შემდეგ, რაც დემოკრატიულმა პარტიამ (D66) საპარლამენტო არჩევნებში გაიმარჯვა.
“ეს შესანიშნავი შესაძლებლობაა, გავიხსენოთ მისი და ოლიმპიური ჰოკეის მოთამაშე ნიკო კინანის ლამაზი სიყვარულის ისტორია”, – წერს parismatch.
რობ ჯეტენი ნიდერლანდების ახალი სახეა. 38 წლის ჯეტენი, სავარაუდოდ, უახლოეს დღეებში პრემიერ-მინისტრად დაინიშნება, მას შემდეგ, რაც ცენტრისტულმა პარტიამ (D66) საპარლამენტო არჩევნებში გაიმარჯვა.
რობ ჯეტენი პროევროპული D66 პარტიის ლიდერი 2023 წელს გახდა. პოლიტიკოსმა ასევე ძალიან დადებითი საზოგადოებრივი იმიჯი დაიმკვიდრა, განსაკუთრებით გასართობ შოუში “ყველაზე ჭკვიანი კაცი” გამოჩენით. მის პოპულარობას ხელი შეუწყო მამაკაცთან სასიყვარულო ურთიერთობამ იმ ქვეყანაში, რომელმაც პირველმა დააკანონა ერთსქესიანთა ქორწინება.
მომავალი პრემიერ-მინისტრი ნიკოლას კინანს, ცნობილ ჰოკეისტს 2022 წლიდან ხვდება. 28 წლის სპორტსმენმა გასულ ზაფხულს პარიზის ოლიმპიურ თამაშებზე არგენტინის ეროვნული ნაკრების შემადგენლობაში მეორედ მიიღო მონაწილეობა, რაც მისი მეორე ოლიმპიური გამოსვლა იყო. თამაშების დროს, მისი შეყვარებული, რომელიც იმ დროისთვის უკვე ნიდერლანდების პოლიტიკური პარტია D66-ის ხელმძღვანელი იყო, მას ტრიბუნებიდან გულშემატკივრობდა. ჰოკეის მოთამაშეს პარიზიდან დაბრუნებისას სასიამოვნო სიურპრიზი ელოდა: პოლიტიკოსმა საყვარელ კაცს ხელი სთხოვა, ჰააგის სუპერმარკეტში მათი პირველი შეხვედრიდან ორი წლის შემდეგ.
“მეგონა, რომ დრო იყო” – განუცხადა მოგვიანებით რობ ჯეტენმა ჟურნალ “ლინდას” და დააკონკრეტა, რომ სახლში ვახშმის დროს ერთ მუხლზე დადგა. “ჩვენ ერთად ძალიან ბედნიერები ვართ” – თქვა პოლიტიკოსმა ინტერვიუში.