ყირგიზეთის დედაქალაქ ბიშკეკში სამბოს მსოფლიოს ჩემპიონატი მიმდინარეობს. მსოფლიოს პირველობაზე ავთო მუკბანიანმა (64 კგ) სპორტულ სამბოში ვერცხლის მედალი მოიპოვა. მან ფინალი მონღოლ სპორტსმენთან დათმო.
ამ დროისთვის მიმდინარე ტურნირზე საქართველოს ანგარიშზე ოთხი მედალია – სპორტული სამბოს კატეგორიაში ბრინჯაოს მედლები ვახტანგ ჩიდრაშვილმა (58 კგ) და ელენე ქებაძემ (+80 კგ) მოიპოვეს. საბრძოლო სამბოში კი ბრინჯაოს გიორგი ეგნატაშვილი (88 კგ) დასჯერდა.
ქართველი სამბისტები მსოფლიოს ჩემპიონატზე სპორტის სამინისტროს მხარდაჭერით იმყოფებიან.
კომენტარები