ადიგენში სოფელ ვარხანში დატბორილი სახლებიდან მოსახლეობის ევაკუაცია დასრულდა; ამ დროისთვის სამაშველო სამსახური სახლებიდან წყალს ტუმბავს;
ვარხანში, შინაგან საქმეთა სამინისტროს ინფრომაციით ადგილობრივებს საფრთხე აღარ ემუქდებათ.
„ყველას გამოყვენა მოხერხდა, ადგილზე სამმართველოს თანამშრომლები ამ დრომდე მობილიზებულები არიან“, – აცხადებენ შინაგან საქმეთა სამინისტროში.
სამაშველო სამსახურის ინფორმაციით კი ამ წუთებში ვარხანში დატობრილი სახლებიდან წყალი იტუმბება: „რიგი სამუშაოების შესრულება პრიორიტეტების მიხედვით გვიხდება“.
სამაშველო სამსახურში აცხადებენ, რომ დღეს მათთან სულ 309 შეტყობინება შევიდა და რეაგირება ყველა შეტყობინებაზე მოხერხდა.
რაც შეეხება სოფელთან ჩაკეტილ მისასვლელ გზას სამაშველო სამსახურის ინფორმაციით ამ დროისთვის მისი გაწმენდა აქტიურად მიმდინარეობს;
შეგახსენებთ რომ წყალდიდობის შედეგად სოფელ ვარხანსა და სოფელ აბასთუმანში სახლები დაიტბორა. ადიდებული მდინარე ოცხე და მოვარდნილი ღელეები საცხოვრებელ სახლებში ისე შევარდა, რომ ადგილობრივებმა გამოსვლა ვერ მოასწერეს. მათი ევაკუაცია შინაგან საქმეთა სამინისტროსა და სამაშველო სამსახურის თანამშრომლებმა დაიწყეს.
მომხდარის შედეგად არავინ დაშავებულა.
[sknews.ge]