თბილისის მერი დავით ნარმანია, 13 ივნისის სტიქიის შედეგად დაზარალებული 5 ოჯახისთვის კომპენსაციის გაცემის საკითხზე კომენტარი გააკეთა.
ნარმანიას განცხადებით, მერიამ დაზარალებულებს გონივრული კომპენსაცია შესთავაზა, რაზეც უარი განაცხადეს და მეტ თანხას ითხოვდნენ.
მერის განმარტებით, ოჯახები კომპენსაციას სასამართლოს გადაწყვეტილების შემდეგ მიიღებენ.
„5 ოჯახი, რომელიც არ დაგვთანხმდა, ითხოვს გაცილებით მეტს, ვიდრე ჩვენ შევთავაზეთ. ამიტომ ასაჩივრებს და როგორც კი იქნება საბოლოო ვერდიქტი, იმის მიხედვით მიიღებენ ისინი შესაბამის თანხას“, – განაცხადა ნარმანიამ.
5 ოჯახს ბინის ქირით ამ დრომდე უზრუნველყოფს თბილისის მერია.
2015 წლის 13 ივნისს, თბილისში, მდინარე ვერეს ადიდების შედეგად, 200-ზე მეტი ოჯახი და 1000-ზე ადამიანი დაზარალდა, გარდაიცვალა 21 და უგზო-უკვლოდ დაიკარგა 2 ადამიანი. 13 ივნისის სტიქიის შესახებ, თბილისის მერიამ 12 ივნისს განცხადება გაავრცელა.