“გვარამია სააკაშვილის პირობებს დასთანხმდა”

„რუსთავი 2“-ში მიმდინარე პროცესებთან დაკავშირებით ზეწოლა არა მხოლოდ ხელისუფლების მხრიდან ხორციელდება, არამედ აქ არის პოლიტიკური ნაწილიც, რომელიც მოსალოდნელი იყო, რომელიც „ნაციონალური მოძრაობის“ გაყოფის შემდეგ დაიწყებოდა და რომელიც მათ შორის „რუსთავი 2“-ის პოლიტიკაზეც აისახებოდა. ხელისუფლება პრობლემას ფინანსური პრობლემის შექმნით უქმნის და კომპანიას არ შეუძლია ყველა რესუსრსის გამოყენება, ვინაიდან იქ არის ყადაღები და ა.შ“, – აცხადებს მიროტაძე.
პოლიტიკოსი დასძენს, რომ „რუსთავი 2“-ის საქმეში მიხეილ სააკაშვილის კვალიც იგრძნობა და არა მხოლოდ მისი.
„ვხედავ სააკაშვილის კვალსაც და „ევროპული საქართველოს“ კვალსაც. დღეს მიმდინარეობს ბრძოლა გავლენების გადასანაწილებლად, ანუ ვინ მართავს „რუსთავი 2“-ს პოლიტიკურად, სააკაშვილის გუნდი თუ პირობითად ბოკერიას გუნდი. არ ვიცი საბოლოოდ რა გადაწყვეტილებას მიიღებს ნიკა გვარამია, დარჩება გენდირექტორად თუ არა, მაგრამ თუ ის დარჩა, ეს ნიშნავს, რომ მან განაცხადა თანხმობა ყველა იმ პირობაზე, რომელიც მას სააკაშვილმა შესთავაზა. გარედან რაც ჩანს, იგრძნობა რომ სააკაშვილის გავლენა უფრო მეტია „რუსთავი 2“-ზე, ვიდრე „ევროპული საქართველოს“ წარმომადგენლების. რამდენად დააზარალებს ეს პროცესი, როგორც პოლიტიკური, ისე ფინანსური „რუსთავი 2“-ის სარედაქციო ხარისხს, ამას ვნახავთ დაახლოებით თვენახევრის განმავლობაში. მათ შორის საინფორმაციო სამსახურის შენარჩუნება პრინციპულად მნიშვნელოვანი საკითხი იქნება“, – განუცხადა ანი მიროტაძემ „აიპრესს“.