გრენლანდიის პრემიერ-მინისტრმა, იენს-ფრედერიკ ნილსენმა მკაფიო განცხადება გააკეთა კუნძულის სუვერენიტეტსა და პოლიტიკურ მომავალთან დაკავშირებით.
მისი თქმით, გრენლანდია არ განიხილავს ამერიკის შეერთებული შტატების შემადგენლობაში შესვლას და ერთგული რჩება დანიის სამეფოსა და ევროპული კურსის.
„გრენლანდია არ გადავა აშშ-ის მფლობელობაში და არც მისი მმართველობის ქვეშ. თუ არჩევანის გაკეთება მოგვიწევს აშშ-სა და დანიას შორის, ჩვენ ვირჩევთ დანიას“, – განაცხადა ნილსენმა.
მან დაადასტურა, რომ კუნძულის პრიორიტეტია ნატო, დანიის სამეფო და ევროკავშირი.
კომენტარები