სრულიად საქართველოს კათოლიკოს-პატრიარქის ილია მეორისთვის პატივის მისაგებად სამების ტაძარში გალის რაიონის სოფელ საბერიოში გასულ წელს დატრიალებული ტრაგედიის დროს დაღუპული ბავშვების მამა ვიტალი ჭოლარია მივიდა.
„ბავშვების მერე ჩვენს პატრიარქს რომ ვუსმენდი, მამშვიდებდა, მაწყნარებდა. ძალიან დიდი ტრაგედია გადავიტანე 5 იანვარს და მას შემდეგ არაფერი აზრი არ მაქვს, არც ვიცი, ცხოვრება როგორ გავაგრძელო, არ ვიცი, რა ხდება ჩემს ცხოვრებაში“, – უთხრა „ქრონიკას“ ვიტალი ჭოლარიამ.
გასული წლის იანვარში სრულიად საქართველოს კათოლიკოს-პატრიარქმა ილია მეორემ ოკუპირებული აფხაზეთის გალის რაიონის სოფელ საბერიოში მომხდარი ტრაგედიის გამო დაღუპულთა ოჯახის წევრებსა და მათ ახლობლებს მიუსამძიმრა.
კომენტარები