აშშ-ის სახელმწიფო მდივანმა, მარკო რუბიომ განაცხადა, რომ აშშ-ს შეუძლია მიაღწიოს თავის მიზნებს ირანთან ომში „ყოველგვარი სახმელეთო ჯარების გარეშე“.
„ჩვენ გავანადგურებთ მათ სამხედრო-საზღვაო ფლოტს, ჩვენ გავანადგურებთ მათ სამხედრო-საჰაერო ძალებს და მნიშვნელოვნად გავანადგურებთ მათ სარაკეტო დანადგარებს, რათა მათ ვეღარასდროს შეძლონ ამ ყველაფრის უკან მიმალვა ბირთვული იარაღის მოსაპოვებლად“, – განაცხადა რუბიომ. „ჩვენ ყველა ამ მიზანს ვაღწევთ, უმეტეს მათგანზე გეგმას ვუსწრებთ კიდეც და ამის მიღწევა ყოველგვარი სახმელეთო ჯარების გარეშე შეგვიძლია“.
რუბიოს თქმით, ომი კვირების და არა თვეების განმავლობაში დასრულდება.
„როგორც ომის დეპარტამენტი მუდმივად აღნიშნავდა, ჩვენ ამ ოპერაციის განრიგს მივყვებით ან ვუსწრებთ კიდეც მას და ველოდებით, რომ სათანადო დროს, რამდენიმე კვირაში და არა თვეში, დავასრულებთ“, – განაცხადა რუბიომ.