ირანის მიერ ისრაელის ცენტრალურ ნაწილში განხორციელებული სარაკეტო თავდასხმის შედეგად დაიღუპა ერთი და დაშავდა რამდენიმე ადამიანი.
ისრაელის მედიის თანახმად, ირანულ რაკეტას კასეტური ბომბის ქობინი ჰქონდა, რომლის აფეთქების შედეგად პატარა ბომბები ფართო ტერიტორიაზე ჩამოცვივდა.
მაშველების ცნობით, ირანის ბალისტიკური რაკეტის, სულ მცირე, ექვსი მცირე ბომბი ჩავარდა ქვეყნის ცენტრალურ ნაწილში. მაგენ დევიდ ადომის სამედიცინო სამსახურის ინფორმაციით, ერთ ადგილას 60 წლამდე ერთი მამაკაცი დაიღუპა, ხოლო, სულ მცირე, ორი ადამიანი მსუბუქად დაშავდა სხვა ადგილას.
განგაშის ხმა ისმოდა ცენტრალურ ისრაელში, იერუსალიმის მიდამოებსა და მდინარე იორდანეს დასავლეთ ნაპირის ზოგიერთ ნაწილში.
კომენტარები