ისრაელზე განხორციელებულ თავდასხმაზე პასუხისმგებლობა იემენელმა „ჰუსიტებმა“ აიღეს. ინფორმაციას ამის შესახებ „ესოშიეთიდ პრესი“ ავრცელებს.
მედიის ცნობით, ეს ახლო აღმოსავლეთში ომის დაწყების შემდეგ მათ მიერ განხორციელებული პირველი იერიშია.
იემენელი „ჰუსიტების“ სამხედრო სპიკერის, ბრიგადის გენერლის, იაჰია სარის განცხადებით, მათ ბალისტიკური რაკეტები გაისროლეს, რომლის სამიზნესაც სამხრეთ ისრაელში მდებარე „მგრძნობიარე სამხედრო ობიექტები“ წარმოადგენდნენ.
ისრაელის სამხედროებმა კი განაცხადეს, რომ რაკეტები ჩამოაგდეს.
თავდასხმამდე რამდენიმე საათით ადრე იაჰია სარიმ განცხადებაში მიანიშნა, რომ იემენელი „ჰუსიტები“ ომში ჩაერთვებოდნენ, რამაც, მედიის ინფორმაციით, რეგიონი შოკში ჩააგდო და გლობალური ეკონომიკა შეარყია.
კომენტარები