დასავლეთ ევროპა მისი შანტაჟის პირველი მსხვერპლი გახდება, თუ ვოლოდიმირ ზელენსკი ბირთვულ იარაღს მოიპოვებს, – ამის შესახებ რუსეთის საგარეო საქმეთა სამინისტროს პრესსპიკერმა, მარია ზახაროვამ განაცხადა.
ზახაროვას თქმით, ბირთვული იარაღის მოპოვების შემთხვევაში უკრაინა დასავლეთ ევროპას საკუთარ პირობებს უკარნახებს.
„დასავლეთ ევროპა პირველი გახდება ზელენსკის ბირთვული შანტაჟის მსხვერპლი, თუ მის ხელში ბირთვული იარაღი აღმოჩნდება. ის მხოლოდ ფულსა და იარაღს არ მოითხოვს; ის თავისი რეჟიმის პირობებს უკარნახებს“, – აღნიშნა ზახაროვამ.
მანამდე უკრაინულმა მედიამ გაავრცელა ინფორმაცია, რომლის თანახმად, ზელენსკიმ განაცხადა, რომ უკრაინის უსაფრთხოების გარანტიები ბირთვული იარაღის გადაცემას უნდა მოიცავდეს.
კომენტარები