ირანული მედიის ცნობით, ბოლო 24 საათის განმავლობაში ჰორმუზის სრუტეში 15-მა გემმა გაიარა. ინფორმაციას საერთაშორისო მედია ირანულ საინფორმაციო სააგენტო „ფარსზე“ დაყრდნობით ავრცელებს.
მათივე თქმით, ეს მაჩვენებელი ირანზე აშშ-ისა და ისრაელის თავდასხმამდე არსებულ მოცულობაზე 90 პროცენტით ნაკლებია.
ამასთან, ზოგიერთმა ირანელმა ოფიციალურმა პირმა, მათ შორის საგარეო საქმეთა მინისტრმა, აბას არაღჩიმ, არაერთხელ განაცხადა, რომ ჰორმუზის სრუტის საზღვაო მარშრუტი ღიაა და ის მხოლოდ „მტრული ქვეყნებისთვისაა“ დაკეტილი.
მანამდე ირანის პრეზიდენტის ადმინისტრაციის თანაშემწემ განაცხადა, რომ ჰორმუზის სრუტე სრულად მას შემდეგ გაიხსნება, რაც „ტრანზიტის გადასახადის ნაწილი ომის მიერ მიყენებული ყველა ზიანის კომპენსაციისთვის საკმარისი იქნება“.
ცნობისთვის, მედიაში არაერთხელ გავრცელდა ინფორმაცია, რომ ირანი ტანკერებს ჰორმუზის სრუტეში გავლის უფლებას ორი მილიონი დოლარის სანაცვლოდ აძლევს.