“დიდი ოცეულის” შეხვედრაზე, რუსეთი და აშშ სირიაში ცეცხლი შეწყვეტის შესახებ შეთანხმდნენ.
მედიის ცნობით, შეთანხმება ოფიციალურად ძალაში 9 ივლისს, სირიის დროით შუადღეს შევა. აღნიშნავენ, რომ ეს თემა, აშშ-სა და რუსეთის პრეზიდენტებმა, დღეს, მოლაპარაკებების დროს განიხილეს.
შეხვედრა 2 საათზე მეტხანს გაგრძელდა, მიუხედავად იმისა, რომ ამისთვის პროტოკოლით 1 საათი იყო გათვლილი.
“მე და პრეზიდენტმა პუტინმა მრავალ თემაზე ვისაუბრეთ და ვფიქრობ, რომ ყველაფერი კარგად იქნება”, – განაცხადა ტრამპმა.
„თუ გვსურს, რომ გადავწყვიტოთ ორმხრივი საკითხები, აუცილებლად გვჭირდება პირისპირ შეხვედრები. მოხარული ვარ, რომ პირადად შეგხვდით ბატონო პრეზიდენტო და ვიმედოვნებ, როგორც თქვენ აღნიშნეთ, რომ ჩვენი შეხვედრა პოზიტიური შედეგის მომტანი იქნება“, – განაცხადა ვლადიმერ პუტინმა.
კომენტარები