ეს ძალიან მნიშვნელოვანი მაჩვენებელი გახლავთ თუ რამდენად სენსიტიური და მძიმე გამოდგა რუსთ-უკრაინის კონფლიქტში ცეცხლის შეწყვეტის მიღწევა, – განაცხადა თურქეთის რესპუბლიკის საგარეო საქმეთა მინისტრმა ჰაქან ფიდანმა.
მისივე თქმით, დღესდღეობით კონფლიქტის გადაწყვეტის მცდელობა გახლავთ მხოლოდ იარაღის გამოყენების საშუალებით.
„ჩვენ ვხედავთ როგორ ფეთქდება დრონები და ყოველივე ეს რა თქმა უნდა გვიჩვენებს, რომ რამდენადაც ომი გრძელდება, იმდენად იზრდება და ვითარდება გეოგრაფიული მასშტაბი ამ ომისა. უნდა იყოს მცდელობა, რომ შეიცვალოს ეს მოცემულობა. საზღვრების გადაკეთების ნებისმიერი მცდელობას მივყავართ დესტრუქციასთან, ნგრევასთან და ომის საშინელებებთან.
ჩვენ გვაქვს გარკვეული ფორმულები, რომ მივაწოდოთ ქვეყნებს, რომ ფრთხილად მოეპყრონ ამ საკითხებს. ისტორიას ახსოვს შემთხვევები, როდესაც მორიგებულან ქვეყნები და მითუმეტეს, როდესაც ეს მდგომარეობა ვითარდება შავ ზღვაზე, ამ შემთხვევაში ჩვენი შეშფოთებაც იზრდება.
სამივე მინისტრმა ვისაუბრეთ ამ თემაზე და პირველ რიგში იმაზე, თუ როგორ ზარალდება სამოქალაქო მოსახლეობა ამ ქმედებების შედეგად. ჩვენ გვჭირდება, რომ ყველა სამიზნე იდენტიფიცირდეს და მივიღოთ ზომები. გემები, რომლებიც სატრანსპორტო გადაზიდვებში არიან ჩაბმული, უნდა იყვნენ ძალიან ახლო კოორდინაციაში ერთმანეთთან და საზღვაო ვითარება უნდა იყოს კონტროლის ქვეშ. ჩვენი სამინისტრო ცდილობს, რომ საკმაოდ ღრმად ჩაერთოს ამ საკითხების გადაჭრაში. ამ პრობლემაზე ყველაზე დიდი რეაგირება იქნება ის, რომ მოხდეს ცეცხლის შეწყვეტა“, – აღნიშნა ჰაქან ფიდანმა.