ზუგდიდში, ბარამიას ქუჩაზე, ოთხი 12-სართულიანი კორპუსის მშენებლობა დაიწყება, სადაც ბინას 288 დევნილი ოჯახი მიიღებს.
საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი და სამეგრელო-ზემო სვანეთის გუბერნატორი ლევან შონია ზუგდიდში დევნილ ოჯახებს შეხვდნენ და მშენებლობის დაწყების შესახებ ინფორმაცია მიაწოდეს.
კორპუსების სამშენებლო სამუშაოებს ტენდერში გამარჯვებული კომპანია „დაგი“ განახორციელებს.
ამ ეტაპზე, ბარამიას ქუჩაზე უკვე მიმდინარეობს ორი 12-სართულიანი კორპუსის სამშენებლო სამუშაოები 144 დევნილი ოჯახისთვის. სამუშაოები წლის ბოლომდე დასრულდება.
დემურიას ქუჩაზე არსებული ობიექტის რეაბილიტაციის შედეგად, საცხოვრებელი ფართის მფლობელი კიდევ 47 დევნილი ოჯახი გახდება.
კომენტარები