ადამიანის უფლებათა დაცვისა და სამოქალაქო ინტეგრაციის საპარლამენტო კომიტეტის თავმჯდომარე რატი იონათამიშვილი ეუთოს საპარლამენტო ასამბლეის მიერ საქართველოზე მიღებულ რეზოლუციას ეხმიანება და აცხადებს, რომ ამ რეზოლუციით ეუთოს საპარლამენტო ასამბლეა თავის მანდატს გასცდა.
„ამ რეზოლუციით ეუთოს საპარლამენტო ასამბლეა გასცდა თავის მანდატს და ეს არის ძალიან საშიში პრეცედენტი, მითუმეტეს მაშინ, როცა საერთაშორისო დონეზე საერთაშორისო ინსტიტუტების ქმედითუნარიანობა საკმაოდ საკმაოდ შერყეული არის.
მსგავსი რეზოლუციები, რომელსაც გარკვეული ჯგუფი წერს და ლობირებს იმიტომ, რომ დააზიანოს საქართველო, სინამდვილეში, საქართველოსთვის დამაზიანებელი ვერ იქნება, მაგრამ ამ ინსტიტუტების სანდოობას და ავტორიტეტს ნამდვილად უთხრის ძირს“, – აღნიშნა იონათამიშვილმა.
კომენტარები