გერმანული თავდაცვის კომპანია Rheinmetall-ის ბერლინის ქარხნის მახლობლად ცხრა მომიტინგემ პროტესტის ნიშნად თავი გზის საფარზე დაიწება. ინფორმაციას ამის შესახებ გერმანული მედია ავრცელებს.
პოლიციის განცხადებით, სამართალდამცავი ორგანოების თანამშრომლები ბერლინის ვედინგის რაიონში მდებარე ქარხანაში დილის 05:30 საათზე გამოიძახეს. მათ შეკრებილი ჯგუფის დაშლა სცადეს.
მათივე ინფორმაციით, ადგილზე 90-მდე პოლიციელი იყო მობილიზებული 11 დემონსტრანტთან გასამკლავებლად.
გერმანიის უმსხვილესმა იარაღის მწარმოებელმა Rheinmetall-მა წარმოება ვედინგის ქარხანაში წელს დაიწყო. მას შემდეგ ქარხანა არაერთხელ გახდა კლიმატის დამცველი დემონსტრანტების საპროტესტო აქციების სამიზნე. აქტივისტებს შორის იყო შვედი გრეტა ტუნბერგიც.
კომენტარები