ბორჯომის ხეობაში ხანძრის ქრობის სამუშაოებში ჩასართავად თურქეთიდან 2 ვერტმფრენი და ასევე თვითმფრინავი დაემატება, – ამის შესახებ სახელმწიფო უსაფრთხოების სამსახურის ხელმძღვანელმა, ვახტანგ გომელაურმა განაცხადა.
გომელაურის ინფორმაციით, ადგილზე მუშაობს როგორც ცოცხალი ძალა, ასევე მძიმე ტექნიკა და ვერტმფრენები.
”კიდევ დაგვემატება ავიაცია თურქეთიდან. სხვა ქვეყნებიდან დახმარება ჯერჯერობით არ განიხილება. თურქეთიდან დაემატება ჩვენს ავიაციას 2 ვერტმფრენი და საუბარია ასევე თვითმფრინავზე”, – განაცხადა გომელაურმა.
სუს-ის უფროსის თქმით, ადგილზე პატარ-პატარა კერები, მისი თქმით, შესაბამისად, ძნელია საუბარი იმაზე, თუ როდის მოხდება ხანძრის ლიკვიდაცია. გომელაურის თქმით, საქართველოს ხელისუფლებამ დახმარების თხოვნით სხვა ქვეყნებსაც მიმართა და ამ ეტაპზე თურქეეთიდან და აზერბაიჯანიდან მიიღო პასუხი დახმარებაზე.
„რისი საშუალებაც არის ჩვენი მეზობელი ქვეყნებიდან და სტრატეგიული პარტნიორებიდან, რა დახმარების საშუალებაც არის მაქსიმალურად გვეხმარებიან. კანადიდან რომ ვითხოვოთ დახმარება, ვიდრე ჩამოვლენ შეიძლება დაიწვას ნახევარი საქართველო“, – აღნიშნა გომელაურმა.