გურიის რეგიონს ახალი გუბერნატორი ჰყავს. სახელმწიფო რწმუნებულის თანამდებობაზე მერაბ ჭანუყვაძე დაინიშნა. ინფორმაციას საზოგადოებრივი მაუწყებელი ავრცელებს.
მერაბ ჭანუყვაძეს გურიის სამხარეო ადმინისტრაციისა და რეგიონის მუნიციპალიტეტის თანამშრომლებს რეგიონული განვითარებისა და ინფრასტრუქტურის მინისტრის მოადგილე, კახა გულედანი წარუდგენს.
მერაბ ჭანუყვაძე 2013-2014 წლებში გუბერნატორის პირველი მოადგილე გახლდათ. იგი წლების მანძილზე ოზურგეთის მუნიციპალიტეტის გამგეობაში, გამგებლის თანამდებობაზე მუშაობდა.
კომენტარები