დღეს, მოკლული იური ვაზაგაშვილის დაბადების დღეა, ამის შესახებ სოციალურ ქსელში, თავის და მანანა მაზაგაშვილი პოსტ აქვეყნებს:
“დრო მკურნალი კი არა – სასტიკია, გაუსაძლისის ატანას ისე გაჩვევს, ვერც კი ხვდები, უკვე რამდენი წელი ჩამოიტოვე… განსაკუთრებული იყო შენი დაბადება, როგორც ამ ქვეყნიდან წასვლა… მესამე წელია ჩვენთან აღარ ხარ, წახვედი, ოღონდ ისე, უღმრთოდ, ვინ არ იცის შენი საარაკო მამაშვილობის ამბავი და უსასტიკესი მკვლელობის ქრონიკა, ასე არავინ არ წასულა, ალბათ, არავინ… შენ დაიბადე დღევანდელ დღეს, ჩვენს პატარა სოფელში, დებს შორის ერთადერთი ძმა, განსაკუთრებული სიყვარულით გვიყვარდი და ასე უჩვეულოდ გვენატრები! ამ ქვეყნად ვერ ვპოულობ შენი მკვლელობის ახსნას, პასუხს, უფალი და განგებაა ყოვლის მოსამართლე, ვიცი, საუკუნო განსასვენში ხარ, სადაც მარადიულია სიცოცხლე და სამართალი, სადაც არასოდეს არიან აღზევებული მკვლელები და ცბიერები… გვიყვარხარ, გვენატრები, ვამაყობთ შენი ძმობითა და კაცობით, დღეს შენი ამ ქვეყნად ცხოვრების დასაწყისის დღეა, დაე, შენმა ამქვეყნიურმა სიკეთემ გაგინათოს სამარადჟამო გზა, აქედან ვინ რაღას დაგაკლებს, ვისაც რაღა უნდა ის თქვას, ის აკეთოს, შენ შენი სახელით წახვედი და მათ იკითხონ, საშვილიშვილო ცოდვით არიან სავსენი, საბრალოა მათი ხვედრი… შენს წმინდა საფლავს ყვავილებით დავამშვენებთ, ცრემლით სავსე თვალებით დანთებულმა სანთელმა გაგინათოს მარადიული სასუფეველი, მშვიდად განისვენე შენ შვილებთან ერთად. გვიყვარხარ!‘,- წერს ვაზაგაშვილი.