პარლამენტის თავმჯდომარის ირაკლი კობახიძის განცხადებით, წინა მოწვევის საკრებულოს “ქართული ოცნების” წევრები მათი გუნდის წევრებად რჩებიან და “მათ მიმართ დამოკიდებულება იქნება შესაბამისი”.
ამის შესახებ კობახიძემ “ინტერპრესნიუსის” იმ კითხვის საპასუხოდ განაცხადა, თუ რა პოლიტიკა ექნება მმართველ პარტიას საკრებულოს ყოფილი წევრებისადმი და რჩებიან თუ არა ისინი გუნდში.
“რა თქმა უნდა, საკრებულოს თითოეული წევრი, რომელიც წარმოადგენს “ქართულ ოცნებას”, არის ჩვენი გუნდის წევრი. ასევე, საუბარია საკრებულოს ყოფილ წევრებზე. ისინი ჩვენი გუნდის წევრები არიან და მათ მიმართ დამოკიდებულება იქნება შესაბამისი”, – განაცხადა კობახიძემ.
კომენტარები