DW-სთვის მიცემულ ინტერვიუში “დემოკრატიული მოძრაობა-ერთიანი საქართველოს” ლიდერმა ნინო ბურჯანაძემ , რუსეთის პრეზიდენტისადმი სიმპატიებზე ისაუბრა და განაცხადა, რომ ისურვებდა, საქართველოს ისეთი პრეზიდენტი ჰყოლოდა, როგორიც ვლადიმირ პუტინია რუსეთისთვის.
ჟანა ნემცოვასთვის მიცემულ ინტერვიუში ნინო ბურჯანაძემ განაცხადა, რომ ქვეყანაში ძალაუფლება მილიარდერ ბიძინა ივანიშვილის ხელშია, ამიტომ შეუძლებელია, საქართველოს დემოკრატიული სახელმწიფო ეწოდოს. ინტერვიუს დროს კი რამდენჯერმე შეაქო ვლადიმირ პუტინი.
– პუტინი არის სერიოზული ადამიანი, სერიოზული ლიდერი, რომელმაც იცის რა სჭირდება თავის ქვეყანას და ამას აკეთებს. მან შეძლო ქვეყნის ფეხზე დაყენება. დააკვირდით, რა იყო რუსეთი 10-15 წლის წინ და როგორია ახლა.
გულწრფელად რომ ვთქვათ, ვისურვებდი, საქართველოს ისეთი პრეზიდენტი ჰყოლოდა, როგორიც ვლადიმირ პუტინია რუსეთისთვის, – აცხადებს ნინო ბურჯანაძე.