ყაზბეგის საარჩევნო ოლქში, 15:00 საათის მონაცემებით, ამომრჩეველთა აქტივობამ 36.93% შეადგინა

ყაზბეგის საარჩევნო ოლქში, 15:00 საათის მონაცემებით, ამომრჩეველთა აქტივობამ 36.93% შეადგინა. კერძოდ, საოლქო საარჩევნო კომისიის მონაცემებით, 15:00 საათისთვის ყაზბეგის 29-ე საარჩევნო ოლქში არსებულ ათ საარჩევნო უბანზე სულ 1962 ამომრჩეველი მივიდა. საარჩევნო ოლქში ჯამში 5 313 ამომრჩეველია რეგისტრირებული. საოლქო საარჩევნო კომისიის მონაცემებით, მაღალი აქტივობა ნარჩუნდება სტეფანწმინდის ნომერ პირველ საარჩევნო უბანზე, სადაც 15:00 საათის მონაცემებით არჩევნების მეორე ტურში მონაწილეობა 462-მა ამომრჩეველმა მიიღო.
რაც შეეხება დარღვევებს, საოლქო საარჩევნო კომისიის ინფორმაციით, ამ დროისთვის ოლქში რაიმე სახის საარჩევნო დარღვევებთან დაკავშირებით საჩივარი არ დაწერილა.
ყაზბეგში მერის არჩევნების მეორე ტურში “ქართული ოცნების” კანდიდატი ალექსანდრე ზაგაშვილი და “დემოკრატიული მოძრაობა – ერთიანი საქართველოს” კანდიდატი სანდრო ყამარაული მონაწილეობენ.