საპარლამენტო უმრავლესობის ლიდერმა არჩილ თალაკვაძემ ჟურნალისტებთან საუბარში განაცხადა, რომ მთავრობის ადმინისტრაციის ხარჯზე შემცირებული ფინანსური რესურსი ხალხისთვის უნდა იყოს მიმართული.
„საკადრო ცვლილებებზე ჩვენი პარტიის ლიდერი, პრემიერ- მინისტრი გიორგი კვირიკაშვილი ორშაბათს ისაუბრებს. ეს არ არის ერთდღიანი პროცესი, ამას გარკვეული დრო დასჭირდება. მზად ვართ, რომ მხარი დავუჭიროთ ნაკლები მიმდინარე ხარჯი წავიდეს მთავრობის ადმინისტრაციის ფუნქციონირებაზე. ეს ფინანსური რესურსი ხალხის საჭიროებაზე უნდა იყოს გადართული, ეკონომიკური, განათლებისა და ინფრასტრუქტურის განვითარებაზე იყოს მიმართული. მე ვადასტურებ, რომ მმართველობის რეფორმა მთავრობის 4-პუნქტიანი გეგმის ნაწილია და სწორედ ამ მიმართულებით იგეგმება სიახლეები და გარკვეული რეფორმების გატარება”, – განაცხადა თალაკვაძემ.