ცენტრალური საარჩევნო კომისიის წინასწარი მონაცემებით, ოზურგეთის საარჩევნო ოლქში დამოუკიდებელი კანდიდატი კონსტანტინე შარაშენიძე იმარჯვებს.
ცენტრალური საარჩევნო კომისიის ვებ-გვერდზე 62-ვე უბნის მონაცემები აიტვირთა, რომლის მიხედვითაც „ქართული ოცნების“ კანდიდატმა ბეგლარ სიორიძემ 17 227 ხმა დააგროვა, დამოუკიდებელმა კანდიდატმა კონსტანტინე შარაშენიძემ კი – 17 306 ხმა. შესაბამისად, ამ უკანასკნელმა მმართველი გუნდის კანდიდატს 79 ხმით აჯობა.
6 საარჩევნო ოლქიდან, სადაც თვითმმართველი ქალაქის/თვითმმართველი თემის მერის არჩევნების მეორე ტური ჩატარდა, ოზურგეთი ერთადერთია, სადაც „ქართული ოცნების“ კანდიდატი, წინასწარი მონაცემებით, დამარცხდა.
კომენტარები