თუ მიხეილ სააკაშვილის ექსტრადირება შესაძლებელი იქნება, რა თქმა უნდა, შესაბამისი სამსახურები იმოქმედებენ კანონის ფარგლებში, – ამის შესახებ თბილისის მერმა კახა კალაძემ ჟურნალისტებთან მიხეილ სააკაშვილის საკითხზე საუბრისას განაცხადა.
კახა კალაძის განცხადებით, მიუხედავად იმისა, რომ მიხეილ სააკაშვილი არ არის საქართველოს მოქალაქე, მასთან დაკავშირებით კითხვები შესაბამის უწყებებს მაინც გააჩნიათ. შესაბამისად, მისი ექსტრადირების მოთხოვნა უკრაინას გადაცემული აქვს.
”ჩვენ მოვისმინეთ განცხადებები იმასთან დაკავშირებით, რომ არსებობს კონკრეტული კითხვები. კითხვები გააჩნია უკრაინის შესაბამის სამსახურებს მიხეილ სააკაშვილთან. თქვენ იცით, რომ სააკაშვილი არ არის საქართველოს მოქალაქე, თუმცა საქართველოში მასთან დაკავშირებით, არსებობს კითხვები, წაყენებული აქვს ბრალი კონკრეტულ საქმეებზე, ასევე გაგზავნილია მოთხოვნა მის გადმოცემასთან დაკავშირებით. დაველოდოთ პროცესების განვითარებას. თუ იქნება შესაძლებელი მისი ექსტრადირება, რა თქმა უნდა, შესაბამისი სამსახურები იმოქმედებენ კანონის ფარგლებში”, – განაცხადა კახა კალაძემ.