თბილისის მერის, კახა კალაძის განცხადებით, დედაქალაქში არსებობენ სპეციალური ჯგუფები, რომლებსაც სოციალურად დაუცველი ადამიანები ჩამოჰყავთ და უკანონოდ მითვისებულ მიწებზე შენობებს აშენებენ.
„უკანონო მშენებლობები საკმაოდ სერიოზული პრობლემაა. არსებობს ადამიანთა სპეციალური ჯგუფები, რომელთაც სოციალურად დაუცველი ადამიანები ჩამოჰყავთ რეგიონებიდან და გარკვეულ თანხებს აძლევენ იმისთვის, რომ გარკვეული ტერიტორიები მონიშნონ და უკანონოდ აშენონ პატარა ერთსართულიანი სახლები. ისინი ცდილობენ, გარკვეული დროის შემდეგ მოხდეს ამ სახლების დაკანონება. ჩვენ ამას არ დავუშვებთ და ამ მიმართულებით მუშაობას გავაგრძელებთ”,– განაცხადა კახი კალაძემ.
კახი კალაძის განცხადებით, ასეთი მშენებლობების დემონტაჟზე ადამიანების ნაწილი გაფრთხილებულია და გონივრული ვადაც მიცემულია, თუმცა მსგავსი მშენებლობები ასეულობითაა ქალაქის თითქმის ყველა უბანში.