დასვენება, ადამიანისთვის ერთ-ერთი უმნიშნელოვანესი და აუცილებელი რამ არის, ამ სიამოვნებაში ასევე დიდი სიამოვნებით ხარჯავენ დაგროვილ თანხებს. მათთვის მნიშვნელოვანია კარგ კომფორტულ დასვენებასთან ერთად სტაბილური, სანდო კომპანია რომელიც უზრუნველყოფს სასურველ ქვეყანაში მათ დაბინავებას და მოთავსებას, გაფრენას და ბევრ სხვა დეტალებს რომელიც თან ახლავს მოგზაურობას. სწორედ ასეთ საიმედო ტურისტულ კომპანიად მომხმარებელთა დიდი ნაწილი უკვე წლებია ასახელებს – Go Tour-ს.
“თბილისი ნიუსი” Go Tour – ის ხელმძღვანელს, ნინო წიკლაურს კომპანიის გეგმებზე, სიახლეებზე, კონკურენციაზე, მოთხოვნად ტურებზე და სხვა მრავალ საინტერესო საკითხებზე ესაუბრა:
წლის ბოლოა, როგორ შეაფასებთ 2017 წელს, რამდენად წარმატებული წელი იყო თქვენი ტურისტული კომპანიისთვის?
– კომპანია Go Tour-თვის ყოველი წელი წარმატებულ წლად შეიძლება ჩაითვალოს. უკვე 5 წელია Go Tour-ი ყოველწლიურად სტაბილურად მზარდი კომპანიაა, რისთვისაც მინდა მადლობა გადავუხადო ჩვენს ერთგულ და მეგობრებად ქცეულ მომხმარებელს და ჩემს თანამშრომლებს, რომლებიც ძალას და ენერგიას არ იშურებენ თითოეული ჩვენი მომხმარებლისთვის მაღალი დონის მომსახურებაში. ასევე, ჩემთვის ჩემი ოაჯახის გვერდში დგომა ყველაზე დიდი ძალა და სტიმულია.
რა ტურებზე დაფიქსირდა მოთხოვნა? რომელი ქვეყნებია აქუალური მომხმარებლებისთვის და რატომ?
– ძირითადი მოთხოვნები ალბათ მაინც ფასიდან გამომდინარე, თურქეთისა და ეგვიპტის მიმართულებებზეა, თუმცა წელს მგზავრებისთვის საკმაოდ აქტიური გახდა საბერძნეთის კურორტები და ევროპის სხვადასხვა მიმართულებით კულტურული თუ საზღვაო ტურები. ევროპის გააქტიურება ვიზალიბერალიზაციის შედეგია, ამას ერთვის ქუთაისიდან შედარებით ბიუჯეტური ფრენები, რაც თითქმის ყველა ბიუჯეტის მომხმარებლისთვის ხელმისაწვდომია.
ფასებზე რას გვეტყვით, თუ არის ცვლილებები დაგეგმილი მომდევნო წლიდან?
– პაკეტურ ტურებზე, როგორიც არის თურქეთი, ეგვიპტე, საბერძნეთი, ფასებს განსაზღვრავენ ტუროპერატორები, არა ტურისტული კომპანიები. ჩვენც ველოდებით მომდევნო სეზონზე რას შემოგვთავაზებენ, ხოლო ევროპის ტურებზე მთლიანად ვართ დამოკიდებული პირველ რიგში ავიაბილეთების ფასებზე. ამ მხრივ თუ განვიხილავთ Wizz Air-ს, რომლის მეშვეობითაც ხერხდებოდა ბიუჯეტური ტურების გამოცხადება, სამწუხაროდ ფასები საკმაოდ მომატებული აქვს. იმედი გვაქვს, საქართველოს ავიაბაზარზე შემოვა მეორე დაბალბიუჯეტური ავიაკომპანიაც და კონკურენციის პირობებში მოხდება ფასების ისევ დაწევა.
ახალი წლები მოდის, თქვენ რა განსაკუთრებულ ტურებს სთავაზობთ მომხმარებლებს? თუ გაქვთ აქცია/ფადაკლებები?
– ყველაზე განსაკუთრებული რაც შევთავაზეთ საახალწლოდ მომხმარებელს, არის ლაპლანდიის ტური, რაც ნამდვილი ზღაპარია, თავისი გარემოთი, სასტუმროთი და რა თქმა უნდა სანტა კლაუსით. მსგავსი ტური აქამდე არავის არ ქონია, თავისი კომპორტული ფრენებით დაწყებული, დასრულებული სრული პაკეტური მომსახურებით. აქციებს რაც შეეხება, ეს მაინცდამაინც ახალ წელს არ უკავშირება. ჩვენი კომპანია მუდმივად ცდილობს სხვადასხვბა სახის აქციის გამოცხადებას, რაც გამოხატება ბონუსების დაგროვებით, სხვადასხვა საჩუქრებით, რა თქმა უნდა ფასებით და ა.შ.
რა არის დღეს მთავარი პრობლემა ტურისტული კომპანიების მუშაობაში?
– პრობლემები საკმაოდ ბევრია, როგორც გაყვანის, ასევე შემომყვანი ტურისზმის მიმართულებით. თითოეული მოკლედ რომ განვიხილოთ, მთავარი პრობლემა ალბათ სანდოობა. ძალიან ხშირია შემთხვევები, როდესაც ესე თუ ის ტურისტული კომპანია, ან მასთან ასოცირებული პირი, ძალიან იმედს უცრუებს მომხმარებელს, რიგ შემთხვევაში საერთოდ ატყუებს, ამიტომ მომხმარებელთა ნაწილი გადასულია ტურების თავად დაგეგმვაში, იმ მოტივით, რომ უფრო დაბალ ფასში გამოუვა ესა თუ ის ტური, ან მოტყუებული მაინც არ დარჩება. თუმცა მერწმუნეთ, როგორც ჩვენი, ასევე ბაზარზე არსებული კეთილსინდისიერი კომპანიების შემთხვევაში, ეს მითი იმსხვრევა. ასევე ძალიან დიდი პრობლემაა ლიცენზირების, ან რაიმე სხვა ფორმით, კომპანიების დარეგისტრირებისა თუ ფუნქციონირების არარსებობა. სწორედ ეს უქმნის მგზავრებს, როგორც ქართველებს, ასევე უცხოელებს მომსახურების ხარისხში პრობლემებს, რაც საერთო ჯამში ქვეყნის ტურისტული მომსახურების დაბალ დონეზე აისახება.
რამდენად არის კონკურენტუნარიანი ბაზარი, ვის თვლით მთვარ კონკურენტად?
– კონკურენცია საკმაოდ დიდია ბაზარზე, უამრავი ტურისტული კომპანია რეგისტრირდება ყოველთვიურად, ზოგი მათგანი კი მალევე ქრება, რადგანაც არასწორი პოლიტიკითა და მომსახურების დაბალი ხარსხით, ვერ უძლებენ კონკურენციას, თუმცა ჩვენნაირი პატარა ქვეყნისთვის, ჩემი აზით, მაინც საკმაოდ ბევრი ტურისტულია წარმოდგენილი.
თქვნ ხშირად მონაწილეობთ სხვადასხვა სოციალურ პროეტქებში, რამდენად მნიშვნელოვანია ეს კომპანიისთვის?
– ეს თემა საკმაოდ მნიშვნელოვანია ჩვენთვის, ვინაიდან საკმაოდ ბევრი ადამიანის გახარებაში შეგვაქვს წვლილი. საერთოდ ადამიანებისთვის სიხარულის მინიჭება ჩემთვის პირადად უზომოდ დიდი ბედნიერებაა, ამიტომ მუდმივად ვცდილობ როგორც კომპანიის საქმიანობაში, ასევე პირად ურთიერთობებში, რა თქმა უნდა რითიც შემიძლია, გვერდით ვედგე მეგობრებს, ნაცნობებს, მგზავრებსა თუ უცნობ ადამიანებს.
ბაზარზე უამრავი ტურისტული კომპანიაა, რითი გამოირჩევა Go Tour -ი?
– Go Tour -ი ალბათ პირველ რიგში სწორედ ამ მიდგომებით გამოირჩევა, რაზეც ზემოთ ვისაუბრე. გარდა იმისა, რომ როგორც კომპანია ვცდილობთ სიახლეების, აქციების, ათასგავრი გათამაშებებისა თუ აქტივობების შეთავაზებას მგზავრებისთვის, აქ ნებისმიერი, თუნდაც უმნიშვნელო მომსახურების მისაღებად შემოსული მგზავრი, თავს სახლში გრძნობს. მე პირადად უამრავ ძალიან კარგ ადამიანთან დავმეგობრდი და რაც ყველაზე სასიხარულოა, ამ სითბოს ყოველდღიურად ვგრძნობ.
გვესაუბრეთ გეგმებზე… რა სიახლეებს უნდა ელოდოს მომდევნო 2018 წლიდან თქვენი კომპანიის მომხმარებელი?
– გეგმები საკმაოდ ბევრია, ძირითადად რა თქმა უნდა ეს გამოხატება ახალი მიმართულებების დახვეწაში, უკეთესი ფასის შეთავაზებაში. ეტაპობრივად, მუდმივად ვეცდებით ჩვენი მგზავრების გახარებას.
წყარო:Tbilisi News