11 წლის გოგონას მკურნალობაში ჩართული იყვნენ არა მხოლოდ ციციშვილის, არამედ თბილისის ყველა კლინიკის წამყვანი სპეციალისტები, – აღნიშნული განცხადება ჟურნალისტებთან ციციშვილის სახელობის ბავშვთა კლინიკის სამედიცინო დირექტორმა, მაია ჩხაიძემ გააკეთა.
“პაციენტი 11 წლის გოგონა შემოვიდა ციციშვილის სახელობის ბავშვთა ახალ კლინიკაში დიაგნოზით: პნევმონია, ვირუსული მონონუკლეოზი, თანმხლები: ეპილეფსია. კლინიკაში შემოსვლის პირველი დღიდან პაციენტის მკურნალობა მიმდინარეობდა საერთაშორისო და ეროვნული გაიდლაინების მიხედვით, მკურნალობის პროცესში ჩართული იყვნენ თბილისის სხვადასხვა კლინიკის წამყვანი სპეციალისტები: თორაკოქირურგები, ინფექციონისტები, რეანიმატოლოგები. კვლევების პროცესში ასევე ჩართული იყო დაავადებათა კონტროლის ეროვნული ცენტრი. პაციენტის ზოგადი მდგომარეობა, თავისი შინაარსით, მძიმე იყო, სწორედ ამიტომ გადაყვანილი იქნა რეანიმაციის განყოფილებაში. მას აღენიშნებოდა შერეული ინფექცია (ვირუსული და ბაქტერიული), რომელიც გახდა გამშვები მექანიზმი სისტემური ანთებითი პასუხის სინდრომის განვითარებაში, რამაც თავის მხრივ გამოიწვია პოლიორგანული უკმარისობა და სიკვდილი”, – განაცხადა ჩხაიძემ.
მაია ჩხაიძე: 11 წლის გოგონას მკურნალობაში თბილისის ყველა კლინიკის წამყვანი სპეციალისტები იყვნენ ჩართული
2017/12/19 16:25:08
ნანახია: 1177 ჯერ