15 წლის მოზარდი, რომელიც გუშინ მოსწავლე-ახალგაზრდობის სასახლის ეზოში დანით დაჭრეს, ოპერაციის შემდეგ პალატაში გადაიყვანეს. ამ ეტაპზე, პაციენტის ჯანმრთელობის მდგომარეობა სტაბილურად მძიმეა. თუმცა, კლინიკაში აცხადებენ, რომ მის სიცოცხლეს საფრთხე არ ემუქრება.
მოზარდი გუშინ დაჭრეს. მას გულ-მკერდის არეში ცივი იარაღით 4 ჭრილობა აქვს მიყენებული. შინაგან საქმეთა სამინისტრომ ფაქტზე გამოძიება განზრახ მკვლელობის მცდელობის მუხლით დაიწყო. გუშინ, გვიან ღამით, პოლიციამ ფაქტის თვითმხილველები გამოკითხა.
კომენტარები