სემეკ-ი წყალმომარაგების ტარიფების დადგენასთან დაკავშირებით ინფორმაციას ავრცელებს. როგორც სემეკ-ის განცხადებაშია ნათქვამი, საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) „ჯორჯიან უოთერ ენდ ფაუერს“, „მცხეთის წყალსა“ და „რუსთავის წყალს“ 2018-2020 წლებისთვის წყალმომარაგების ტარიფები დაუდგინა. ტარიფები მოცემულია დღგ-ს ჩათვლით და მათი მოქმედების ვადაა 2018 წლის პირველი იანვრიდან 2020 წლის 31 დეკემბრის ჩათვლით.
„შპს „ჯორჯიან უოთერ ენდ ფაუერისთვის“ წყალმომარაგების საყოფაცხოვრებო ტარიფებია: გამრიცხველიანებული აბონენტებისათვის – 0.329 თეთრი/მ3, გაუმრიცხველიანებელი აბონენტებისათვის (სულადობრივი) – 3.892 ლარი/სულზე/თვეში; არასაყოფაცხოვრებო ტარიფი – 4.400 ლარი/მ3.
შპს „მცხეთის წყალის“ წყალმომარაგების საყოფაცხოვრებო ტარიფებია: გამრიცხველიანებული აბონენტებისათვის – 0.329 თეთრი/მ3, გაუმრიცხველიანებელი აბონენტებისათვის (სულადობრივი) – 3.888 ლარი/სულზე/თვეში; არასაყოფაცხოვრებო ტარიფები – 3.548 ლარი/მ3.
შპს „რუსთავის წყალის“ წყალმომარაგების საყოფაცხოვრებო ტარიფებია: გამრიცხველიანებული აბონენტებისათვის – 0.405 თეთრი/მ3, გაუმრიცხველიანებელი აბონენტებისათვის (სულადობრივი) – 2.281 ლარი/სულზე/თვეში; არასაყოფაცხოვრებო ტარიფები – 3.644 ლარი/მ3.