ოკუპირებული აფხაზეთის სამხედრო პროკურატურამ საქართველოს მოქალაქის გიგა ოთხოზორიას მკვლელობაში ბრალდებულ რაშიდ ქანჯი-ოღლის აღკვეთი ღონისძიების სახით შინაპატიმრობა შეუფარდა. ინფორმაციას ამის შესახებ რუსული სააგენტო “სპუტნიკი” დეფაქტო აფხაზეთის სამხედრო პროკურორზე ადგურ აგრბაზე დაყრდნობით ავრცელებს.
მანამდე ცნობილი იყო, რომ არაღიარებული აფხაზეთის სამხედრო პროკურატურა ქანჯი-ოღლისთვის წინასწარ პატიმრობას ითხოვდა, თუმცა სასამართლომ პროკურატურის შუამდგომლობა არ დააკმაყოფილა.
საქართველოს მოქალაქე 19 მაისს ზუგდიდის რაიონის სოფელ ხურჩაში მოკლეს.
ოთხოზორიას მკვლელობის საქმეზე რაშიდ ქანჯი ოღლის ოკუპირებული აფხაზეთის დეფაქტო პროკურატურამ განზრახ მვლელობის ბრალი წარუდგინა. ის არაღიარებული აფხაზეთის სახელმწიფო უსაფრთხოების სამსახურიდან გაათავისუფლეს.
კომენტარები