დოდო გუგეშაშვილის მეგობარმა დავით მუხიგულმა ჟურნალისტებთან კომენტარი გააკეთა და განაცხადა, რომ დოდო გუგეშაშვილს ანტიბიოტიკებს უკეთებენ, რათა სეფსისი არ განვითარდეს.
“მე ვიყავი რეანიმაციის პალატასთან, ექიმსაც ვესაუბრე. ტყვიის ჭრილობა არის ძალიან მძიმე. რაც მთავარია არტერიას აცდა. გონზე მთლად მოსული არ არის. თუ გონზე მოდის, პირველი შეკითხვა არის – შვილი როგორაა. ერთი ვიცი, რომ აქ რომ მოვიდა თავის სამეგობროს უთხრა ბიჭს მიმიხედეთო”, – განაცხადა მუხიგულმა.
მისივე თქმით, გუგეშაშვილი სამართალდამცველებთან გასაუბრებას ალბათ ხვალ შეძლებს, როცა პალატაში გადაიყვანენ.
კომენტარები