დოდო გუგეშაშვილის ჯანმრთელობის მდგომარეობა კვლავ სტაბილურად მძიმეა და ექიმების მეთვალყურეობის ქვეშ რჩება, – ამის შესახებ ღუდუშაურის კლინიკის კრიტიკული მედიცინის დეპარტამენტის ხელმძღვანელმა ნიკოლოზ ქარცივაძემ განაცხადა.
მისი თქმით, როდის გადაიყვანენ დოდო გუგეშაშვილს პალატაში, ჯერ უცნობია.
„მკურნალობა გრძელდება კრიტიკული მედიცინის დეპარტამენტში. რეანიმაციის განყოფილებაშია. ამჟამად ხელოვნური სუნთქვიდან მოხსნილია, ჰერმოდინამიკა სტაბილურია, კონტაქტი პაციენტთან მყარდება, ამჟამად დამაკმაყოფილებლად ფასდება მდგომარეობა, ვითარება სტაბილურად მძიმეა. ჯერ მკურნალობა და დაკვირვება გაგრძელდება. როდის გადაიყვანენ პალატაში ჯერ უცნობია. კონტაქტური არის, თუმცა მაინც არის გამაყუჩებლების და საძილე პრეპარატების გავლენა. ოპერაციული სტრესი და ზოგადი მძიმე მდგომარეობა ამ ფუნქციაზე გავლენას ახდენს. როდის შეძლებენ დაკითხვას ამაზე მე პასუხს ვერ გაგცემთ“, – განაცხადა ექიმმა.