მიხეილ სააკაშვილის თქმით, მისმა დიდმა ბებიამ იოსებ სტალინი გადაარჩინა. ამის შესახებ მან საკუთარ Facebook-ზე დაწერა.
“ჩემი დიდი ბებია თამარა მიყვებოდა, როგორ გადაარჩინა სტალინი მეფის ჟანდარმებისგან. როგორ გაჰყავდა ის ხელჩაკიდებული მამამისის, მდიდარი მეწარმის სახლიდან. სტალინმა კი მის ოჯახს სიკეთისთვის ქონების კონფისკაციითб მისი მამისა და ძმის განადგურებით გადაუხადა. ჩემი ინგლისურის მასწავლებელი გელა ჩარკვიანი მამასთან, კავკასიის პარტიულ ბოსთან ერთად, ბელადის გარდაცვალებამდე, რამდენიმე წლის განმავლობაში ხშირად იმყოფებოდა სტალინთან და სიტუაცია, რომელსაც ის აღწერდა, ძალიან ჰგავს იმას, რაც ნაჩვენებია ფილმში” – წერს სააკაშვილი.
ეს ისტორია პოლიტიკოსმა ფილმის “სტალინის სიკვდილის” შემდეგ მოყვა, რომელიც დადებითად შეაფასა.
საბჭოთა ისტორიის ერთ-ერთ ყველაზე მნიშვნელოვან და გადამწყვეტ პერიოდზე – სტალინის სიკვდილზე გადაღებული ბროტანული ფილმი პოლიტიკური შეხლა-შემოხლის კომედიური ვერსიაა. რუსეთში ფილმის ჩვენება 23 იანვარს აიკრძალა.
კომედიაში მთავარ როლებს ასრულებენ სტივ ბუშემი, ტიმოტი დალტონი, ოლგა კურილენკო და მაიკლ პეილინი.