აშშ-ის პრეზიდენტი თურქეთის ხელისუფლებას სტამბოლის ათათურქის საერთაშორისო აეროპორტში მომხდარი ტერაქტის გამოძიებაში დახმარებას სთავაზობს. ამის შესახებ ბარაკ ობამამ ოტავაში ვიზიტისას განაცხადა.
აშშ-ის პრეზიდნეტის თქმით, აშკარაა, რომ აეროპორტზე განხორციელებული თავდასხმა საერთაშორისო საზოგადოების ანტიტერორისტულ ბრძოლას უკავშირდება.
ბარაკ ობამა ტელეფონით ესაუბრა თავის თურქ კოლეგას. აშშ-ის პრეზიდენტმა რეჯეპ ტაიპ ერდოღანთან საუბრისას განაცხადა, რომ ათათურქის აეროპორტზე თავდასხმა ისევე, როგორც ბრიუსელში განხორციელებული ტერაქტების სერია, მთელი საერთაშორისო საზოგადოების წინააღმდეგ იყო მიმართული.
კომენტარები