ზუგდიდში 38 წლის კაცი, ჩიტაძის ქუჩაზე დანით დაჭრეს. ზუგდიდის რეფერალურ საავადმყოფოში, პაციენტს ოპერაცია უკვე ჩაუტარდა და მისი ჯანმრთელობის მდგომარეობა სტაბილურად მძიმეა.
ის მართვით სუნთქვაზეა და რეანიმაციულ განყოფილებაში მკურნალობს.
შსს-ს ინფორმაციით, გამოძიება დაწყებულია 117-ე მუხლით, რაც ჯანმრთელობის განზრახ მძიმე დაზიანებას გულისხმობს. უწყების ცნობით, დამნაშავის დასაკავებლად მოქმედებები მიმდინარეობს.
არსებული ინფორმაციით, შემთხვევას წინ ურთიერთდაპირისპირება უძღოდა.
კომენტარები