საქართველოს ეკონომიკისა და მდგრადი განვითარების მინისტრმა დიმიტრი ქუმსიშვილმა ქუთაისში სააგენტოს „აწარმოე საქართველოში“ ფარგლებში, მხარდაჭერილ მამაკაცისა და ქალის ტანსაცმლის მწარმოებელ ქარხანას შპს „ემჯიემტექსი“ გახსნა.
ეკონომიკის სამინისტროს ინფორმაციით, კომპანია ქართულ-რუმინული ინვესტიციით შეიქმნა. შპს „ემჯიემტექსი“ არის რუმინული ტანსაცმლის მწარმოებელი კომპანიის „Ottorose” შვილობილი კომპანია, რომელიც პროდუქციას მსოფლიოში ისეთი ცნობილი ბრენდებისთვის აწარმოებს, როგორებიცაა: „H&M“, „Mango“, „Zara“, „Coast“, „Colveta“, „United Collors of Benneton“, „Oasis“ და სხვა. კომპანიამ სააგენტოს „აწარმოე საქართველოში“ ფარგლებში, უახლესი ტექნოლოგიის საკერავ მანქანა-დანადგარები შეიძინა. კომპანიამ სააგენტოს „აწარმოე საქართველოში“ ფარგლებში, უახლესი ტექნოლოგიის საკერავ მანქანა-დანადგარები შეიძინა.
მათვე ინფორმაციით, საწარმო უახლესი ტექნოლოგიით დამზადებულ, მაღალხარისხიან პროდუქციას ევროპის ქვეყნებში გაიტანს. შპს „ემჯიემტექს“, რომელიც 2018 წლის აპრილის დასაწყისში ამოქმედდა, წლიურად 6 000 000 ლარის ტანსაცმლის წარმოებას შეძლებს.
საწარმომ ამოქმედების პირველ ეტაპზე 130 ადამიანი დაასაქმა, საწარმო სრული სიმძლავრით 2 თვეში გაეშვება და დასაქმებულების რაოდენობა 250-მდე გაიზრდება. საწარმოს ადმინისტრაცია მომდევნო ერთი წლის განმავლობაში დამატებით 400 თანამშრომლის დასაქმებას გეგმავს. ინვესტიციის მოცულობას 2 000 000 ლარს, შემდეგ ეტაპზე კომპანია დამატებით 5 000 000 ლარის ინვესტიციის განხორციელებას აპირებს. აღნიშნული საწარმო ქუთაისში, ზ. გამსახურდიას გამზ. #47 არის განთავსებული.
